Timmisartortitseqatigiiffik Sterling tuneqqinneqarpoq. Islandimiut timmisartortitseqatigiiffiata FL Group-ip akikitsumik angalatitsisartoq Sterling Northern Travel Holding-imut tunivaa. FL Group Islandimiut koruuniinik 20 milliardinnappoq – danskit koruuninngorlugit 1,6 milliardit nalinginik.
Northern Travel Holding-imik ilaatigut pisisuuvoq Islandimiu siornatigut Sterling-imik piginnittoq – tassalu Fons, ukiup ataatsip matuma siornagut ingerlatseqatigiiffimmik tuniniaaqqittoq.
Tuniniaasoq – tassalu Islandimi FL Group – qanittukkut American Airlines-imik piseqataavoq, tamatumani FL Group ullumikkut aningaasaatit 5,98 procentiinik piginnittuulluni.
Tamanna allatut naatsorsorlugu imaappoq FL Group Amerikamiut timmisartortitseqatigiiffianni 2 milliardit missaannik piginneqataassuteqartoq.