Timmisartortitseqatigiiffik Air Greenlandimut unammillerniartoq akiliisinnaajunnaariaannaavoq
Skandinaviami angalatitseqatigiiffiit angisuut timmisartuutileqatigiiffimmit Cimber Sterlingimiit maanna bilitsisinaveersaarput, timmisartuutileqatigiiffik akiliisinnaajunnaangajalivissoralugu.Aviisimi Morgenavisen Jyllands-Postenimi tamanna allaaserineqarpoq. Akiliisinnaajunnaarnissamik tusatsiakkat annertuallaartut angalatitseqatigiiffiit sillimmasiisarfiisa nalilerpaat.
Timmisartuutileqatigiiffik Cimber Sterling Aalborgip Kangerlussuullu akornanni timmisartuussisarnissaminik eqqarsaateqartoq, inuussutissarsiorneq pillugu Nuummi aggustimi isumasioqatigiittoqarmat erserpoq.
Akiliisinnaajunnaarnermik tusatsiakkat Cimber Sterlingimi pisortaanerup, Jørgen Nielsenip, ilumuunnginnerarpai. Angalanissanut Sverigimi tuniniaasarnerit feeriarnissamullu tuniniaasarnerit kisiisa navianartorsiornerarpai, erseqqissaatigaalu taakku suliffeqarfissuup kaaviaartitaanut procentialuinnannguanik sunniuttartut.
Cimber Sterlingip saniatigut timmisartuutileqatigiiffiup akikitsunik angalatitsisartup, Norwegianip, Nunatta Danmarkillu akornanni timmisartuussisalernissani aamma eqqarsaatigaa.
