Timmisartortartut isumaqatigiissut akueraat
Air Greenlandimi timmisartortartut isumaqatigiinniarneranni sapaatip akunnerani kingullermi isumaqatigiissutigineqartut tamarmik maanna akuersaarmatigit, Air Greenlandip timmisartortartunik mattussinera, sapaatip akunnerani silaannakkut angallannermik unitsitsisoq, maanna unitsivissorneqarpoq.
Allattoq Noah Mølgaard
januaarip 21-at 2011 09:57
- Isumaqatigiissut amerlanerussuteqarluartunit taperserneqarmat, uagutsitut naammaginnitsiginerat ilimagaarput, Air Greenlandip sulisoqarnermut pisortaa, Mads B. Christensen Sermitsiaq.ag-imut oqarpoq.
- Aningaasarsiavut nikisinnagit sivisunerusumik timmisartuussisartussangorpugut, Mads B. Christensen oqarpoq, isumaqatigiissutilli mikisualuttai eqqaarusunnagit.
Timmisarturtunik sullissisartut Kalaallit Nunaanni peqatigiiffiata siulittaasua, Ove Grødem, isumaqatigiissut pillugu oqaaseqartinniaraluaratsigu iluatsinngilarput.
