Timmisartortartut isumaqatigiinniaqqilerput
KNR-ip paasisai naapertorlugit Air Greenland aamma timmisartortartut isumaqatigiissitsiniartarfimmi forligsinstutionimi isumaqatigiinniaqqilerput.
Allattoq Noah Mølgaard
Air Greenland aamma timmisartortartut sinnerlugit isumaqatigiinniartoq Serviceforbundet sisamanngornermi unnukkut isumaqatigiinniarnerit nangeqqippaat.
Illuatungeriilli suli oqaaseqartissinnaasimanngilagut.
Air Greenland nittartakkamini allappoq nalunaaqutaq 12.00 paasissutissiisoqarumaartoq.
Isumaqatigiissitsiniartarfiup illuatungeriit arfiningormat avissaartippai. Illuatungeriit imminnut ungasippallaarnerat, isumaqatigiinniarnerillu ingerlateqqinnissaa siunertaqanngitsutut, isumaqatigiissitsiniartartup Asbjørn Jensenip, taamani nalilermagu, Air Greenland allappoq.