Timmisartortarneq nappaatinik siaruaassuiffiuvoq
Inuit 2 milliardit ukiut tamaasa timmisartoq atorlugu angalasarput.
Angallannerullu annertusiartuinnarnerata nassataraa nappaassuit SARS, ebola AIDS-ilu siaruarterneqapallattarnerat.
Naalagaaffiit Peqatigiit peqqinnissakkut suleqatigiiffiat WHO ukiumoortumik nalunarusiaanni taama inerniliisoqarpoq.
Nappaatillu tuniluutilinginnissaat pillugu annertunerusumik suleqatigiittoqartariaqartoq suleqatigiiffissuup innersuussutigaa.
Akiuussutissanillu ineriartortitsinissaq pillugu nunat tamalaat akornanni paasissutissanik paarlaasseqatigiittoqartarnissaa siunnersuutigineqarluni.
Taamaaliortoqanngippat nunarsuatsinni aningaasarsiorneq innarlerneqassaaq, nunallu tamat akornanni isumannaallisaaneq aamma innarlerneqassalluni, WHO-p nalunaarusiaani taama mianersoqqusisoqarpoq.
