Timmisartorsuaq ilaasartaaq Frankrigip kujataani nakkarpoq
Timmisartorsuaq ilaasartaat Airbus A320-mik taaneqartartoq Frankrigip kujataani sungiusaatigalugu timmisaqattaartilluni ippassaq nakkarpoq.
Allattoq Louise M. Kleemann
novembarip 28-at 2008 07:49
Frankrigimi oqartussat nalunaarput, timmisartumi issimasut arfineq marluusut tamarmik ajunaarsimassangatinneqartut. Timmisartoq illoqarfiup Perpignanip eqqaani sinerissamit 20 kilometerinik ungasissuseqarluni nakkarpoq.
Timmisartorsuaq misilerarneqarluni timmisaqattaartinneqartoq, Air New Zealandimit pigineqarpoq.
