Siunissami timmisartuinnarmik angallassisoqalerpat, timmisartornermik ersigisallit immikkut paasissutissinneqartarnissaat, timmisartornermik ersigisaqarsimasup siunnersuutigaa.
Heidi Møller Davidsen timmisartornermik ersigisaqarsimagaluarpoq maanna qaangersimasaminik. Timmisartornermik ersigisaqarluni qanoq innera ima nassuiarpaa.
- Timmisartussatillunga annilaangasorujussuanngortarpunga, ataasiarlunga Narsarsuarmiit Nuummukartussaallunga qatsunganersuup ataani 4 tiimini eqqissisarneqartariaqarsimavunga, Heidi Møller Davidsen oqarpoq.
Heidi Møller Davidsen taamani ajornerpaamik misigisaqarfigisani taama oqaluttuaraa, qujanartumilli naggataagut apuuffissaminut apuussimalluni.
Taanna isumaqarpoq, Air Greenlandip inuit immisut ajornartorsiuteqartut aamma eqqaasariaqarai.
- Kursusertinneqarsinnaasariaqaraluarput, taamatut ersigisaqarluni imaannaanngeqimmat, Heidi Møller Davidsen oqarpoq.