Timmisartorneq akikinnerulersinnaavoq

Attaveqarnermut naalakkersuisup Jørgen Wæver Johansenip Mittarfeqarfiit annikilleleriffiginiarpai.

- Ilaasut Mittarfeqarfinnut akiliivallaartaqaat, Jørgen Wæver Johansen oqarpoq:

-Air Greenlandip ingerlatsilluarnerup Takuss-imik taallugit billitsinik tuniniagai akikilligaluttuinnarput. Siorna pingasoriarlutik akikillipput, ukioq mannalu akikillileereernikuullutik, akikillileeqqinnissaallu naatsorsuutigilluinnarparput. Imaappoq angallanneq suli akisungaluaqisoq akikilliartorpoq.

Jørgen Wæver Johansen taamaattoq isumaqarpoq mittarfeqarfiit ingerlanneqarnerat eqaannerusinnaagaluartoq, billitsinut akit eqqarsaatigalugit.

- Naalakkersuisut isumaqarput, Mittarfeqarfinni massakkut pisariillisaaneq suliassanillu aaqqisuusseqqinneq naammassigutsigu naliliiffigisariaqarpoq siunissami ilaasut ilumut taasunga akiliiginnartssanersut, imaluunniit nassuerutigissaneripput, nunami taama aningitigisumi taamalu inukitsigisumi angallanneq taama akisoreertigisoq qaavatigut aamma kitsuutinik ilaartorneqassanersoq.

www.knr.gl/itisiliineq

alakkarukku angallanermi killiffik annerusumik tusagaqarfigisinnaavat.