Timmisartoqqusiunnaarneq nunatta ilaani sivitsorneqarpoq
Nunnatta sinnerani timmisartornissamut inerteqqut atorunnaarsinneqarpoq, tassa Sisimiuniit Kangerlussuup tungaanut aamma Paamiuniit kujataa ilanngullugu timmisartortoqarsinnaalluni, kiisalu Tunumilu Nerlerit Inaanniit avannamut timmisartortoqarsinnaalluni.
Islandimi qaqqap innermik anitsisup qullaatsitai Nunatsinni timmisartuussinermik suli ajornartorsiortitsigaluartut, Atlantikoq qulaallugu timmisartuussinerit aallarteqqipput.
Kangerlussuarmi mittarfik ualeru nalunaaqutaq sisamat tungaanut ammagallassasoq, silaannakkut angallannermi Kalaallit Nunaanni oqartussaasut Naviair taama ilisimatitsipput.
atortorissaaruserluni timmisartorneq kisimi interteqqutigineqarpoq, timmisartut minnerit suli aallartarsinnaasut, Naviair ilisimatitsivoq.
Pisut Air Greenlandimit malinnaavigeqqissaarneqarput, ullumikkullu timmisartuussinissat naammassiniarneqassasut, Air Greenlandimi paasissutissiisartoq Pia Christensen Bang oqarpoq.
Qaqqap innermik anitsisup qullaatsitai nunatsinni aqagu timmisartuussinernut sunniuteqassanersut suli nalunarallarpoq, annertunerusumik paasisaqarusuttut Air Greenlandip Naviairillu nittartagaat malinnaafigisinnavaat.
