Timmisartoqarfinni ulappupput
novembarip 21-at 2006 05:16
Nunatsinni timmisartoqarfinni ullumikkut ulapputtoqassaqaaq, tassami timmisartorsuaq Atlantiku qulaallugu angalasartoq ippassaq nunatsinnukarsinnaasimannngimmat. Timmisartorsuilli marluk Kangerlussuarmut ullumikkut tikittussaapput, tassa Air Greenlandip suluusaliutaata saniatigut, timmisartumik Sterling Airwaysimiit Air Greenland attartorsimavoq – taamaammat timmisartoqarfinni inuppassuit ullaarnganiit utaqqerrassagunarput.
Timmisartoq Nuummiit Kangerlussuarmukartoq nalunaaquttap akunneri marluk matuma siorna aallarpoq, Nuummiillu aamma massakkorpiaq timmisartumik aallartoqarpoq, taanna Maniitsoq Sisimiullu aqqusaarlugit Kangerlussualiartussaavoq.
