Timmisartoqarfimmiitillutit oqaaseq "qaartartoq" atornaveersaartaruk

Arnap 58-inik ukiullip Kastrupimi Mittarfimmiitilluni oqaaseq "qaartartoq" arlaleriarluni atorsimavaa, tamannalu pissutigalu ulluni qulini parnaarussaanissaa, Københavnimi Eqqartuussivimmi aalajangerneqarpoq.
novembarip 27-at 2009 14:59

Arnap timmisartoqarfimmi isumannaallisaasut misissuiviatigoortilluni oqarasuaatini angallattagaq qaartartuunerarlugu oqarpoq, aviisip Ekstra Bladip nittartagaani tamanna allaaserineqarpoq.

- Qaatartuutiga uunga ikilaarpara, oqarasuaatini angallattagaq taskiminut ikiitigalugu, arnaq oqarpoq.

Arnap taama oqarnera nakkutilliisup quianannginnerarpaa, nassuiaappaalu oqaaseq "qaartartoq" atoqqusaanngitsoq, arnarli piniinnarpoq, eqqartuussinerullu nalaani paasinarsivoq, oqaaseq "qaartartoq" ikinerpaamik arfineq-pingasoriarlugu arnap atorsimagaa.