Timmisartoq Sverigep Norgellu akornanni nakkarpoq
Timmisartoq Sverigemi nalunaarsugaavoq, allakkanilli Sverigep Norgellu akornanni assartuisarluni. Timmisartoq Gardemoenimit Norgep avannaanut Tromsøliartilluni unnuaq ataatsimut qiteqquttoq periarfeerunneqarpoq. Timmisartoq ajunaalernermik kalerrisaarummik nassiusseqqammersorlu periarfeerunneqarpoq, radarikkut takuneqarsinnaajunnaarluni.
Timmisartoq marlunnik issimasoqarluni nakkarsimasoq, Sjöfarstverkenip uppernarsarpaa. Annaassiniartartut Sverigemeersut Norgemeersullu timmisartup nakkarfiata nalaanukartut nalunaarutigeqarpoq, timmisartorlu qaqqartuup nalaani nakkarmat timmisartumut anngunniarnissaq ajornakusuussaqaaq.
Issimasullu taakku marluk annassimasinnaanissaat ilimanaateqarpallaanngitsoq, Sjöfartsverkenip oqaaseqartitaata oqaatigaa.
F-16-it qulimiguullillu Sverigemeersut Norgemeersullu ujaasileruttorput.
