Timmisartoq Savalimmiuliartoq aasit uteqqippoq

Qaammatit pingasuinnaat ingerlanerini savalimmiormiut timmisartuutileqatigiiffiat Atlantic Airways sisamassaanik isumannaallisaaneq pissutigalugu mittariaqalersimavoq. Savalimmiut mittarfianni Vagar-imut minniartilluni uteqqiinnartariaqalersimavoq, tamatumuunakkut Skotlandimi Glasgowimut mittariaqarluni.

Taama timmisartup utertariaqalerneranut timmisartup unikkasuarnermut atortorissaarutaata - ajortissimanera pissutaatinneqarpoq.

Isumannaallisaanermik pissuteqarluni miinnartariaqarnerit kingulliit pingasut, tamatigut ilaasoqarluni pisarsimapput, tassalu Københavnimut, Savalimmiunut Bergenimullu. Taamatullu pisoqartillugu timmisartoq minnialeraangat ambulancit qatserisartullu upalungaasimatinneqartasimapput, peqqarniippallaamik missagaluarpat assakaasuisa qaartoornissaat taamalu timmisartup ikuallalernissaa upalungaarsimaffigineqartarsimalluni.

Timmisartoq minniartilluni unikkasuaataat ajoquteqarsimagaangat nalinginnarmik minnermiit sukkanerusarsimavoq, Savalimmiunilu Vagar-imi mittarfik naatsunnguummat timmisartoq unikkasuaatilutsillugu mittarfimmik naasoorlutik nakkarataannaammat timmisartoq ippassaq utiinnartariaqarsimavoq.