Timmisartoq Nepalimi nakkarmat inuit qulit ajunaarput

Naalagaaffiit Peqatigiit qulimiguuliutaat Nepalimi ullumi nakkarmat inuit qulit ajunaarput, atorfillit taama ilisimatitsipput.
marsip 03-at 2008 11:23

Naalagaaffiit Peqatigiit qulimiguuliutaata Nepalip kangisissuani illoqarfimmiit Ramechhapimiit uternerani radiokkut attavigineqarsinnaajunnaarsimavoq.

Qulimiguulik silarluttumi nakkarmat, inuit qulit toqusimasut politiinit ilisimatitsissutigineqarpoq.

Nepalip kangisissuani mao-mik illersuisut tamamarsimaartarfianeereerluni Naalagaaffiit Peqatigiit qulimiguuliutaat nakkarpoq.

Nepalimi mao-mik illersuisut pikitsitsisartut naalakkersuisullu aqqutissiuisumik eqqisseqatigiinnissamik isumaqatigiissutaat Naalagaaffiit Peqatigiit 2006-imili nakkutigilerpaat.