Timmisartoq nakkartoq milernermi sukkavallaarsimavoq
Timmisartoq Brasiliami São Paolomi ippassaani nakkartoq mikkiartulernermi sukkavallaarsimasoq videomi takuneqarsinnaavoq.
Timmisartoq alla mereernermi kingorna sekundit aqqanillit atorsimavai uninnissami tungaanut, timmisartorli nakkartoq mittarfimmut mikkaluarmat sekundit pingasuinnaat atorsimagai video-p takutippaa.
Timmisartoq mittarfik qaangerlugu aqqusineq qulaallugu tankstationimut aporiarluni illumut allamut ingerlaqqippoq aporamilu qaarluni.
Ilaasut 176-it ajunaarput, inuillu ikinnerpaamik arfineq-pingasut allat nunami ajunaarlutik.
Timmisartoq qanoq ilinikkut nakkarsimanersoq Brasiliami oqartussat misissuleruttorpaat, Brasiliallu præsidentia Luiz Inacio Lula da Silva nuna tamarmi ulluni pingasuni aliusunneqarnissaa ippassaq nalunaarutigaa.