Island Timmisartoq nakkarmat ajunaartut akornanni marluk Danmarkimeersuupput
Timmisartuaraq inuinnarnit pigineqartoq Islandimi sapaatiummat nakkarmat inuit pingasut ajunaarput. Ajunaartut akornanni marluk danskisut innuttaassuseqartut, Danmarkip nunanut allanut tunngasunut ministereqarfiata sullissivia taama ilisimatitsivoq.
Allattoq Karsten Sommer
juunip 12-at 2019 07:25
Nutserisoq Mads Lynge
Ajunaartut tassaapput anaanaasoq, ataataasoq ernerallu. Erniusup aappaa ukuarlu aqqunartitingaatsiartut Islandimi nutaarsiassaqartitsivp Frettabladidip allaaseraa.
Timmisartuaraq Fljotshildip mittarfeerata tassa timmisartumi aquttup aasarsiortarfiata eqqaani nakkarpoq. Timmisartortartut amerlasuut tamaani illuaraqarput, mittarfimmullu qanittuaraallutik, mittarfillu aamma isumagisarlugu
Timmisartuaqqap nakkarnera inunnit arlalinnit takuneqartoq nutaarsiassaqartitsiviup RÚV-p allaaseraa.
Aviisi Morgunblaðið naapertorlugu takunnittut tarnip pissusiinik ilisimasalimmit Røde Korsimit kingorna oqaloqatigineqarput.
Timmisartuaraq USA-meersutut nalunaarsorneqarsimasoq islandimi innuttaassuseqartumit pigineqartoq aamma allaaserineqarpoq.
