Timmisartoq nakkarmat 40-t ajoquserput

Amerikamiut timmisartuutaata ilaasartaatip Jamaicami mittarfimmut mikkaluarluni uninnaveerluni mittarfiup ungaluusartai qaangiinnartoorlugit ingerlaannarmat, marlunngorlunilu qupilluni, ilaasut ilaat 40-t ajoquserput. Jamaicami paasissutissiinermut ministeri taama ilisimatitsivoq.
decembarip 23-at 2009 13:09

Timmisartoq, American Airlines, 164-inik issimasoqarluni, taakkunannga sulisut arfinillit, Washingtonimiit Miami aqqusaarlugu Jamaicami Kingstonimut nunnikkaluarpoq.

Timmisartoq Kingstonimut mimmat siallersorujussuuvoq. Minnera ajunngingaarmat ilaasut aatsaannguummat ersaartaakkaluarput, timmisartulli kigaallassaatai ajorsimagunarmata, mittarfiup ngaluusartai qaanginnarlugit, aqqusinikkooriarluni Kingstonimi sissami aatsaat unippoq.

- Ajoqusertut Kingstonimi n apparsimmaviliaassorneqarput, paasissutissiinermut ministeri, Daryl Vaz, ilisimatitsivoq.

- Maannamuugallartoq nalunaarusiani paasinarpoq, ajoqusertut imatorsuaq aqqunartitersimanngitsut, timmisartuutileqatigiiffimmi American Airlinesimi avammut oqaaseqartartoq oqarpoq. Atorfillilli paasissutissiissutaat naapertorlugit sisamat aqqunarujussuarsimagunarput.

Timmisartoq ajoqusertoq tassaavoq Boeing 737, motooriatalu aappaa katassimasoq aamma oqaatigineqarpoq.

Ilaasut ilaat, Naomi Palmer, oqaluttuarpoq, timmisartoq siuninnguamini nakkartoq, marlunngorlunilu qupilluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq