Timmisartoq Kunuunnguaq København-imut utiinnartariaqartoq
Timmisartumut ilaasut København-imi akunnittarfinnut inissinneqassapput, tallimangorpallu juulip ulluisa 18-anni Narsarsuarmut timmisartuunneqassallutik.
Timmisartortitseqatigiiffik Air Greenland tusagassiuutinut nalunaaruteqarluni allappoq, timmisartumut ilaasut apuuffissaannut apuunniarlugit timmisartumik attartortariaqarsimallutik.
Sulinngiffeqarfiup naligimmagu, timmisartumik attartorniarneq ajornartorsiutaasimavoq, taamaattumillu tallimanngorpat juulip ulluisa 18-anni aatsaat Narsarsuarmut timmisartuussisinnaasimallutik.
Timmisartortitseqatigiiffiup Jet-Time-p timmisartua Boing 737 atorlugu tallimanngorpat Narsarsuarmut timmisartuussisoqassaaaq.
Timmisartut Dash Seven-it marluk Nuummiit Narsarsuarmut ingerlaartut, Narsarsuarmi siallernera nuissallu atsippallaaneri pissutigalugit missinnaasimanngillat. Nuummiit kujataanut timmisartumik DASH-ivinik ilaallutik angalasut aqagu sisamanngornermi juulip ulluisa 17-anni timmisartuunneqassasut timmisartortitseqatigiiffik Air Greenland tusagassiuutinut nalunaaruteqarluni taamatut allappoq.
