Timmisartoq qaartartumik igeriuttakkamit eqqorneqarsimanera assimi takuneqarsinnaavoq.Assi: Ukrainian Presidential Press Ser/Reuters/Ritzau Scanpix

Timmisartoq kukkusoqarneratigut nakkartinneqartoq Iranip nassuerutigaa

Iranimi illersornissaqarfik Ukrainemiut timmisartuannik kukkuluttortoqarneratigut pingasunngormat nakkartitsipput. Iranimi illersornissaqarfik Iranimi naalagaaffiup tv-qarfiatigut ullumi arfininngornermi taama nassueruteqarpoq.

Inuup kukkuneratigut timmisartoq nakkartinneqartoq illersornissaqarfiup oqaatigaa.

Ukrainemiut timmisartuata kukkunikkut nakkartinneqarsimanera pillugu Iranip qullersaata Ayatollah Ali Khameneip ippassaq tallimanngornermi ilisimatinneqarsimanini nalunaarutigaa, paasissutissallu taakku piaarnerpaamik saqqummiunneqarnissaat kissaatigalugu.

Timmisartoq pineqartoq Iranimi illersornissaqarfiup sakkutooqarfiata silaannartaanut pisimasoq, taamalimmallu nakkartinneqartoq, Iranimi illersornissaqarfiup tv-kkut aallakaatinneqartumi oqaatigaa.

Timmisartumik nakkartitsinermi akisussaasut eqqartuussivitsigut malersorneqarnissaat, illersornissaqarfiup neriorsuutigaa.

- Ajunaartut ilaqutaannut, innuttaasunullu misiginneqataavugut, nunanilu allaneersunut aamma misiginneqataavugut, illersornissaqarfik oqarpoq.

Iranimiut 80-it, Canadamiut 57-it, Sverigemeersut qulit, Afghanistanimeersut, Tysklandimeersut Tuluillu Nunaanneersut timmisartumi issimasut ajunaarput.

 

 
 

 

 
 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat