Timmisartoq Iranip illoqarfiisa pingaarnersaata eqqaani nakkartoq
Sakkutuut timmisartuat ikinnerpaamik inunnik qulinik issimasoqartoq mikkiartortilluni Iranip illoqarfiisa pingaarnersaata Tehranip eqqaani ataasinngornermi ullaakkut nakkarpoq.
Allattoq Ritzau
Nutserisoq Simon Uldum
Naalagaaffiup tv-qarfia Irib taama ilisimatitsivoq.
- Timmisartoq assartuut tassaavoq Boening 707. Mikkiartortillunilu mittarfik uniorlugu nakkartoq, Iranimi silaannakkut angallannermut oqartussat oqaaseqartartuat Iribimut taama oqarpoq.
Nutaarsiassaqartitsivik Reuters naapertorlugu, inuit toqusimasut arfineq-marluk nassaarineqarsimasut naalagaaffiup tv-qarfianit ilisimatitsissutigineqarpoq.
/ritzau/AFP