Timmisartoq Ilulissanut utiinnartariaqartoq
Air Greenlandip timmisartuutaasa ilaat Dash-7 Ilulissaniit Upernavimmut ullumi ingerlaartillugu perusuersarfianit putsumik siammartoqarnera peqqutaalluni timmisartoq Ilulissanut utiinnartariaqarsimavoq.
Allattoq Jaaku Lyberth
Timmisartup silaannarissarfiata teknikkikkut ajoquteqalersimanera pissutaalluni timmisartup perusuersartarfiani putsilersimavoq.
Timmisartup perusuersartarfiani pujoqalernera timmisartumi ilaasunut ulorianartorsiortitsisimanngitsoq Air Greenlandimi tusagassiisartumit Pia Christensen Bangimit erseqqissarneqarpoq.
Timmisartumut ilaasut Upernaviliartut aqagu timmisartuunneqarnissaat pilersaarutaavoq.