Belgiamiut timmisartuat F-16-eq Bregtagnemi Frankrigip kippasissuaniittumi nakkarpoq. Assi una assiisivitsinnit aasaq Belgiamiut timmisartuannut ajutoortumut attuumassuteqanngilaq.

Timmisartoq F-16-eq Bretagnemi nakkartoq - timmisartortartoq innaallagissap aqqutaanut naatippoq

Belgiamiut timmisartuanni F-16-iusumi aquttuni marluusuni aappaa innaallagissap aqqutaanut - sakkortuumik tassa 250.000 voltimik innaallagialimmut - timmisartup nakkariartuaarnerani naatippoq.

Belgiamiut timmisartuat F-16-eq Bregtagnemi Frankrigip kippasissuaniittumi nakkarpoq. 

Aviisimi Ouest-Francemi allassimasut naapertorlugit timmisartumi nakkartumi aquttut issiaviit igeriussissutit iluaqutiginerisigut timmisartumiit pississinnaasimapput. Ajutoorneq Frankrigimi nunap ilaani Morbihanimi pivoq.

Timmisartortartut aappaat kigaallassaaserluni pissinnermigut nakkariartuaarnermini innaallagissap aqqutaanut sakkortuumik innaallagialimmut naatissimammat ajoqusersimasutut kalerrisaarutigineqarpoq. Timmisartortartup ajoqusertup kigaallaassaataa innaallagissap aqqutaanut naatissimammat inuttaa nivinganerarneqarsimavoq. 

Nutaarsiassaqartitsivik Reuters naapertorlugu Belgiami sakkutuut timmisartortartut timmisartup nakkarneranut uppernarsaasuupput.

- Timmisartortartut ajutoortut timmisartup nakkariartuaartup tunnginnerani timmisartumiit pissinnissaminnut periarfissaqarsimapput. Frankrigimi oqartussaasut nalunaarutaanni allassimavoq sumiissusersineqarlutillu aniguisimasut.

Taamatuttaaq allassimavoq, timmisartortartumik innaallagissap aqqutaanut - sakkortuumik tassa 250.000 voltimik innaallagialimmut - naatissimasumik annaassiniarnerminni timmisartortartup aappaa annaassimagitsik.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat