Timmisartoq Etiopiami nakkartoq
![](/sites/default/files/styles/image_934x467/public/article_images/1920px-flag_of_ethiopia.svg_.png?itok=CEWXExYG)
Etiopiamiut timmisartuutileqatigiiffiata Ethiopian Airlinesip timmisartua 149-nik ilaasoqarluni arfineq pingasunillu inuttaqartoq, Etiopiami illoqarfiit pingaarnersaannit Addis Ababamit aallaqqammerluni sapaammi ullaap tungaani nakkarpoq
Timmisartoq nakkartoq Kenyami illoqarfiit pingaarnersaannut Nairobimut ingerlassalluni aallaqqammerluni nakkarpoq.
Timmisartup nakkarnerani annattoqanngilaq.
Timmisartuutileqatigiiffiup pisortaata nalunaarutigaa, timmisartup aquttuata timmisartumik ajornartorsiortoqarnera nalunaarutigisimagaa, uternissamullu akuersissummik kissaateqarsimasoq timmisartup qangattaqqammernerani.
Timmisartumik aquttoq misilittagaqarluartutut taaneqarpoq.
Timmisartumi nakkartumi ajunaartut nunat allamiorpassuupput, Canadamiut 18-it Svenskit pingasut aamma Norgemioq ataaseq ajunaartunut ilaapput.