Timmisartoq Dash 8 isumannaallisaaneq pillugu Kangerlussuarmi nunnittariaqalersoq
Timmisartoq Dash-8 Narsarsuarmit Kangerlussualiartoq isumannaallisaaneq pillugu Kangerlussuarmi ualeq manna nalunaaqutaq sisamannngulersoq mittariaqalerpoq.
Timmisartup motooriata ajoquteqarneranut takussutissat pillugit timmisartoq isumannaallisaaneq pillugu nunnittariaqalersoq nalunaarutigineqarpoq. Timmisartumik ingerlatsisut timmisartup motooriisa aappaata qaminneqarnissaa aalajangerpaat, timmisartullu motooriata aappaa atorlugu Kangerlussuarmi missimallutik.
Timmisartoq Kangerlussuarmut apuuppoq, isumannaatsumillu mippoq, issimasut sulisullu ajunngitsut nunnilluni.
Air Greenlandip ajornartoornermi pilersaarutaa aallartinneqarpoq, issimasut sulisullu malittarisassat atuuttut naapertorlugit isumagineqarlutik. Timmisartuutileqatigiiffik taama ilisimatitsivoq.
AAMMA ATUARUK Ignatius timmisartup motooria unimmat ilaavoq: Ilaquttakka tamaasa eqqarsaatigaakka
Air Greenlandip timmisartua Dash-8 allap motooriata ajornera pissutigalugu isumannaallisaaneq pillugu Nuummi ukioq manna februaarimi aamma nunnittariaqalerpoq, Kangerlussuarmilu ullumi mittariaqalersoq assinganik nalaanneqarunartoq oqaatigineqarpoq.
Ajornartoorneq pilllugu nunninnerup, isumannaallisaaneq pillugu nunninnermut allaanerussutigaa ajornartoornermi nunnittariaqalerneq nukinginnarnerullunilu ilungersunarnerummat, isumannaallisaaneq pillugu nunninneq ilungersunannginnerullunilu erseqqarissunik malittarisassaqarmat.
