Timmisartoq assakaasuiarsimasoq

Timmisartoq Cimber Air-imeersoq 41-nik issimasoqarluni Kastrup-imut ajornartoorluni ullumi mittariaqarsimavoq.
Allattoq Najaaraq Egede
maajip 29-at 2008 16:06

Timmisartup assakaasua ataaseq ajoqusersimavoq, ajornaquteqanngitsumilli missinnaasimalluni.

Timmisartoq pineqartoq tassaavoq Canadamiut timmisartuliortartut Bombardier-kkut timmisartuliaat CRJ 200 LR. Bombardier-kkut aamma taakkuupput, ukiarmi 2007-imi timmisartuliaminnik Dash 8 Q-400-nik taaguutilinnik ajutoortaqattaartut. Taamani SAS-ip Dash-8-taat pingasut kingulerisungaannarlutik assasaasulerfimmikkut ajoquteqarlutik ajornartoornermi Ålborgimi, Vilnius-imi Kastrupimilu mittariaqarsimapput.