Timmisartumi aqqutoq tamatuminnga malugisaqarsimanngilaq ajornartorsiorfiunngitsumillu timmisartoq Savalimmiunut mittoq timmisartoqarfiup politiivinit erseqqissaatigineqarpoq.
Ullaaq qulingiluanut qiteqquttoq politiit kalerrinneqarput timmisartup assakaasuata illua biilit aqqutaannaaniittoq nassaarineqarsimasoq.
Politiillu timmisartoqarfimmut tutsiukkasuarput paasitinneqarsimappulli timmisartoq ajornartorsiornertaqanngitsumik missimasoq, timmisartullu aquttuata assakaasup illuata amigaataanera malugisimanngikkaa.
Timmisartut ilaasui navianartorsiorsimanngitsut aamma erseqqissaatigineqarpoq, illuinnarmillu assakaasoqaraluarluni taamaalilluni mittoqarsinnaasimavoq.
Timmisartup assakaasua qanoq ililluni katassimasinnaanersoq maanna misissorneqarpoq.