Timmisartoq Islandimi illoqarfiit pingaarnersaata, Keflavikip, mittarfianut ajornartorsiuteqarani nunnippoq, timmisartumilu saqisut ineeraanni kemikaliamik akoorutissarsunninnera pissutigalugu nunnittariaqarsimavoq.
Issimasut 145-t ilaat arlallit inuunilulerlutik naammagittaalliorsimapput, sulisullu tallimat napparsimalerlutik. Taakku tamarmik nakorsanit timmisartoqarfimmi misissorneqarput.
- Saqisut ineeraanni tipip eqqumiitsup naamaneqarsinnaanera ajornartorsiutigineqarsimavoq, timmisartuutileqatigiiffimmit American Airlines avammut oqaaseqartartoq, Tim Smith, nutaarsiassaqartitsivimmit AP-imit issuarneqarpoq.
Timmisartoqarfimmi oqaaseqartartoq ilisimatitsivoq timmisartoq teknikkikkut maanna misissorneqartoq.
Boeing 767 Parisimut ingerlaartilluni ajornartoorluni Keflavikip mittarfianut tassa nunnippoq. Ajornartoorluni nunnittumi issimasut timmisartup allap Londonimiit aggerluni Texasimi Dallas-Fort Worthimut ingerlappai.