Timmisartoq aallaraluaannarluni utertariaqalersimasoq
Allattoq Mads Lynge
Timmisartoq Dash 8 Arctic Umiaq Linep pigisaa Nuummi mittarfimmiit ullaaq aallatsiaannarluni utertariaqarsimavoq.
Timmisartup suluusaata illua ajoquteqalaarpoq – aallanngitsiarnermi napparummut kalluunnerup kingorna ajortilaarsimagunarluni.
Arctic Umiaq Line nalunaarpoq navianartorsiortoqarsimanngitsoq timmisartorlu maanna suliaritikkiartorluni Islandililiartoq aamma nalunaarutigineqarpoq.
Timmisartup ilaasui suli Nuummiipput – timmisartumut allamut ilaaffissarsiuunneqarlutik.
Arctic Umiaq Linep timmisartuutaa Ilulissiaraluarluni Kangerlussuaq aqqusaarlugu Nuummut uterpoq.