Timmisartoq aallannginnermini kinguaattooqqasimavoq
Spanairip timmisartua 172-inik issimasoqarluni Madridimi ippassaq nakkartoq, Spaniami ippassaq ulloqeqqarsimatsiaannartoq nalunaaqutaq ataatsimut qangattarsimasussaagaluarpoq, isumannaallisaallunili nakkutilliisunit misissorneqartussanngortinneqarmat kinguaattooqqalluni.
Allattoq Louise M. Kleemann
aggustip 21-at 2008 08:52
Issisiutip timmisartup silataaniittup iluarsaanneqarnissaa pissutaalluni, timmisartoq akunnerup aappaata qeqqa kinguaattooqqavoq.
Spanairip oqaaseqartartua nutaarsiassaqartitsivimmut AP-mut taama oqarpoq.
Teknikikkut ajornartorsiut alla arajutsisimaneqarsimanissaa timmisartup nakkarneranut ilaatigut aamma pissutaasimasinnaassasoq Spaniamiut aviisiini allaaserineqarpoq.
Timmisartup qangattariartulernerani kukkuluttortoqarsimasoq, Spaniap angallannermut ministeriata Magdalena Alvarezip ippassaq oqaatigigaluarpaa.
