Timmisartoq Københavnimiit Savalimmiunut ingerlatilluni motooriata aappaa timmissamit aporneqarmat, timmisartorsuaq Norgemut mittariaqalersimasoq, aftenbladet allappoq.
- Timmisartoq timmissamit aporneqarmat motoriini sisamaasuni ataaseq qaminneqartariaqarsimavoq, Stavangerimi timmisisartunik mitsitsisartoq Einar Skeie oqarpoq.
Timmiaq timmisartumut aporeersorlu mittarfimmi sillimaniarneq sakkortunerpaaq aallartinneqarpoq, ilaatigut qatserisartut ambulancellu timmisartup unnukkut qulingiluanngulernerani minnissaanut piareersimatinneqarsimapput.
Atlantic Airways-imi teknikkikkut pisortaq Remi Hansen oqarpoq, timmiaq timminerup nalaani aporneqarsimasoq motorip iluani aserorluinnarsimasoq.
Timmisartumi mittariaqalersumi ilaasut Stavangerimi unnuisinneqarsimapput, ullumilu Savalimmiunut ingerlanneqaqqissinnaasimallutik.