Timersullammak 2009: Frederik Elsner
Sulorartartoq Frederik Elsner timersullammattut ukioq manna toqqarneqarpoq.
Allattoq Mads Lynge
Sulorartartoq 23-nik ukiulik Frederik Elsner timersullammattut ukioq manna toqqarneqarpoq.
Frederik Elsner Ålandimi ukioq manna Island Gamesimi peqataavoq, sulorarnermi ataasiakkaarluni unamminerni peqataagami. Kalaallit Ålandimi unammiuaarnerni katillugit arfineq-pingasunik medaaliannapput, taakkunannga kuulti ataaseq, Frederik Elsner kalaallini kisiartaalluni kuultinnattuulluni.
Kalaallit Nunaanni Qaqortumi aasaq pissartanngorniuttoqarmat Frederik Elsner ataasiakkaarluni unamminerni sølvinnappoq, marlukkaarlunilu unamminerni Mininnguaq Kleist peqatigalugu pissartanngorluni.