Timersullammaat pingasunngorpat toqqarneqassapput
Timersornerup ullua pingasunngorpat Kunngit pingasut ulluanni, januaarip ulluisa arfernanni Nuummi illorsuaq timersortarfimmi nalliussineqassaaq.
Allattoq Mads Lynge
januaarip 04-at 2010 05:28
Timersullammaat ulloq taanna toqqarneqassapput, diplominnatsinneqassallutillu. Kikkut diplominnattuussanersut pissanngatigineqarpoq.
Kalaallit Nunaanni, nunarsuaq tamakkerlugu, Europami, Nunani avannarlernilu pissartanngortut akissarsitinneqassapput.
Angutini arnanilu timersullammak toqqarneqassaaq, soorlu aamma aqutsisuullammak, sungiusaallammak, timersullaqqissoq kiisalu ukiup holdianik toqqaasoqassasoq.
Meeqqat orpiliartinneqassapput, qummoroortartoqassaaq, kikkulluunniillu tikilluaqqusaapput. Kommuneqarfik Sermersuup nittartagaani tamanna atuarneqarsinnaavoq.
