AWG2016 Timersortartut siniffigisaat pilerngutiinnavippaat

Siniffiit timersortartorpassuit AWG2016-mi siniffigisimasaat atoqqissinnaasut kisiartaanngilaat.

Nerisassalli sinneruttut, pisiffigisamut uterteqqinneqarsinnaanngitsut aamma atorluarneqarput. Taakku Frelsens Hærimut tunissutigineqarput. Timersornermilu atortut allatut isumaqatigiissuteqarfigineqanngitsut, timersuutaarniarfinnut pisiarineranik akiisa qulerarterutaannik akilerlugit tunineqarput.

AWG2016-ip pigisaasa sinneri, ilaatigut akitsorterussinikkut tunineqanngikkunik arlaannut tunniunneqassasut AWG-p allaffeqarfiata nalunaarutigaa.

AWG2016-mi pisortap tulliata, Arnakkuluk Jo Kleistip ippassaq radioaviisimut oqaluttuarisaa, Siniffiit quleriit, madrasset, sinngupuullu piserusuttunik assut pilerngunneqarput.

AWG katillugit siniffiit 900-t pisiarisimavai, timersortartorpassuit atuarfinni siniffissaqartinniarlugit.

Kommunet, savaateqarfiit Namminersorlutik oqartussat, efterskolellu tamakku ilaat, affaasa missaat pisiarereersimavaat. Ilaatigut Ilaqutariinnermut naalakkersuisoqarfiup siniffiit, Frelsens Hærimut tunissutigineqarsimapput.

Siniffiit sinneri 20 minutsit ingerlanerinnaanni, Atuarfik Samuel Kleinschmidtimi nungullugit tunineqarput.

- 20 minutsit ingerlanerinnaanni siniffiit quleriit 190-t, madrassellu 238-t tamaaviisa tunivagut. Kangillinnguit Atuarfiani tuniniaanerput nangipparput. Tassani inuit 60-t missaat pisiniarlutik ullumi tunuleriiaarput, Christian Kjeldsen  sermitsiaq.AG-mut oqaluttuarpoq.