Timersortartut nersornaaserneqarput

Kalaallit Nunaanni Timersortartut kattufiata aaqqissugaannik timersortartut sungiusaasut aqutsisullu nersornaasiuttagaannik maligassiusunik ippassaq unnukut tunniussisoqarpoq, nersornaasiineq Nuummi Ilimmarfimmi ingerlanneqartoq toqqaannartumik KNR TV-ikkut arfiningornermi unnukkut aallakaatinneqarpoq.

Nersornaatit tunniunneqarput tassalu  ukiup sungiusaasua ukiup aqutsisua aamma timersullammak.

Ukiup sungiusaasuatut toqqarneqarpoq,  Birgitte Nielsen  Nuummi utoqqaat timersoqatigiiffianni Qeersaani  ukiuni arlaqalersuni sungiusaasoq.

Timersoqatigiinni ukiup aqutsisuatut nersornaaserneqarpoq, Jan Andreassen Tasiilaq.   Jan Andreasssen Tasiilap timersortarfiani  pisortaavoq,  pisortaanermi saniatigut, sulorartunut, volleyballertartunut   kiisalu qajartartunut suleqataavoq.

Ukiup timersullammaatut toqqarneqarpoq nerrivimmi arsaarartartoq Ivik Nielsen Sisimiut.    Kalaallit Nunaanni nerrivimmi arsaartarnermi guldinnattarnermi saniatigut Danmarkimi nerrivimmi arsaarartartut  pitsaanerpaat ilagaat.  

- Kalaallit Nunaanni timersornermik pimoorussilluni ingerlatsisuuvoq, Kalaallit timersornermi angusatigut siuariartornerpaanut ilaalluni,  
Nerrivimmi arsaarartut kattuffiat innersuussilluni taama allappoq.

Nersornaaserneqartunut ilaavoq assammik arsartartoq Akutaaneq Kreutzmann taanna Elite Sports Greenlandimit ukioq manna takutitsilluarnerpaatut maligassiuisutut toqqarneqarpoq.  Ukioq manna assammik arsaannermi unammiffiusumi Akutaaneq Kreutzmann takutitsilluarsimavoq, klubbinilu Ribe-Esbjerg HH ilagulugu qallunaat håndboldligaanni pikkorinnerpaat sisamaani inississimallutik, Elite Sport Greenland Akutaaneq Kreutzmannip maligassiuisutut toqqarneqarnissaannut innersuussinermi taama allappoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat