Timersortartut ilaqutamaartut
Island Games-eqarnerani nunarput sinnerlugu unammiartuni 15-it qatanngutigiinngikkunik illoorariipput. Atii takukkit.
Allattoq Noah Mølgaard
Ilaqutariit assigiimmik soqutigisaqartarnerat takornartaanngilaq tamannalu aamma timersornerup silarsuaani atuuppoq. Tamanna paasinarseqqikkujoq kalaallit Island Gamesimi peqataasussat Isle of Wightimut apuummata.
Peqataasut 15-it qatanngutigiinngikkunik illoorariipput, sulilu amerlanerusimasinnaagaluarput illuusariit ilannguttuugaanni.
Aajuku ilaqutariitsitertut aqqi:
Qatanngutigiit: John Ludvig Broberg aamma Hedvig Broberg. Nukannguaq, Hans Jørgen aamma Johan Frederik Zeeb. Aviana aamma Manumina Reimer.
Illoorariit: Eufinia Kreutzmann, Ole Karl Kreutzmann, Marianne Kreutzmann aamma Pernille Olsen. Tobiasine aamma Thomas Abelsen. Kiisalu Lars Niels Berthelsen aamma Bebiane V. Johnsen.