Timersortartut aanngajaarniutinik atuinerat kinguneqartinneqartalissaaq
Ikiaroornartoq hash timersornerlu imminnut tulluutinngillat, taamaammat timersortartut aanngajaarniutit pillugit inatsimmik unioqqutitsisimasut qanoq pineqartarnissaannik Kalaallit Nunaanni Timersoqatigiit Kattuffiat erseqqissunik malittarisassaliornissaminut piareerpoq.
Allattoq Jaaku Lyberth
oktobarip 13-at 2009 06:46
Malittarisassani nutaani erseqqissarneqassaaq, timersortartut, soorlu ikiaroornartumik hashimik eqqusseriaraluartutut paasisaasut, kattuffinnit assigiinngitsunit qanoq pineqartassanersut.
- Timersoqatigiit Kattuffianni siulersuisunut ilaasortat najoqqutassanut siunnersuusiussapput, taakkulu atuutsinneqalersinnagit ilaasortanut nassiussuunneqassapput akuerisassanngorlugit, Kalaallit Nunaanni Timersoqatigiit Kattuffianni siulittaasoq, Nuka Kleemann Sermitsiamut oqarpoq.
