Timersorsinnaanissamut periarfissagissaarnerusoqalerpoq

Tasiilami, Ittoqqortoormiini Pamiunilu timersortarfiit ammasarfii ingerlaannaq atuutilersumik sivitsorneqarput. Kommuneqarfik Sermersooq tusagassiuutinut nalunaarummi taama allaaserisaqarpoq. Timersortarfiit ammasarfiisa sivitsorneqarnissaat innuttaasut kissatigisimavaat, Tasiilamilu, Ittoqqortoormiinilu Paamiunilu timersortarfiit ammasarfii maannamut assigiinngissimariarlutik maannali assigiissarneqarnermi kingorna unnukkut aqqarnup tungaanut ammasalerput.

Allattoq Mads Lynge

aggustip 27-at 2016 12:20

Nutserisoq Mads Lynge

Timersortarfiit ammasarfii Kommuneqarfik Sermersuup borgmesteriata Asii Chemnitz Narupip Tasiilamut tikeraarnerata kinguneranik sivitsorneqartut, Kommuneqarfik Sermersuup nalunaarutigaa.

Aamma atuaruk Ittoqqortoormiini ivigaasaaqqanik arsaattarfik pisortatigoortumik atoqqaartinneqartoq

Timersortarfiit ammasarfii sivikippallaartut innuttaasut ataatsimeeqatigineqarneranni paasinarsisimavoq, ammasarfiillu sivitsorneqarnissaat aalajangerneqarluni:

- Taamaattumik timersortarfiit ammasarfiisa sivitsorneqarnissaat ingerlaannaq allanngorteqqullugit ingerlatsivik qinnuigaara, Asii Chemnitz Narup oqarpoq.

Peqatigiiffiit timersortartullu peqatigiiffii timersortarfinnik atuisartut sapaatip-akunnerata tulliuttup ingerlanerani tamanna pillugu attaveqarfigineqarumaartut nalunaarutigineqarpoq.

Aamma atuaruk Asii Tasiilami innuttaasunik ataatsimiititsisoq