Timersornermut tunngasunik amigaateqaraanni suli aningaasarpassuaqarpoq

Timersoqatigiiffik illit ilaasortaaffigisat arsanik, tujuuluaqqanik allanilluunniit amigaateqarpat, taava Kalaallit Nunaanni Timersoqatigiit Kattuffiat atassuteqarfigissallugu immaqa isumassarsiatsialaavoq.
Allattoq Rune Langhoff
aggustip 29-at 2010 10:56

Aningaasammi Faxemiit kattuffinnut imaluunniit Kalaallit Nunaanni Timersoqatigiit Kattuffiannut atasunut ukiut tamaasa agguaanneqartartut, suli sinneqarput.

Kalaallit Nunaanni Timersoqatigiit Kattuffianiit ilisimatitsineq naapertorlugu, nunaqarfinni mikinerusuni klubbit ikiorneqartariaqarnerpaasarput. Taamaammallu Faxemut maannangaaq qinnuteqarnissaq Kalaallit Nunaanni Timersoqatigiit Kattuffiata kaammattuutigaa.

Siusinnerusukkut qinnuteqaraluarluni itigartitaasimagaanni, maanna qinnuteqaqqikkaanni, qinnuteqaat misissoqqinneqassaaq, Faxep aningaasaateqarfia ukiortaamiit imaqannginniassammat.

Qinnuteqaatit uunga nassiunneqassapput: Kalaallit Nunaanni Timersoqatigiit Kattuffiat, Box 84, 3900 Nuuk, inussiarnisaassaguillu allakkat puuanut aamma allassinnaavat "Faxe-puljen".