Assi: GIF

Maligassiuisut Timersornermi maligassiuisut maanna innersuussutigineqarsinnaanngorput

Ukioq manna sungiusaasutsialammut, timersoqatigiiffimmi aqutsisutsialammut, timersortartutsialammullu innersuussinissaq maanna piffissanngorpoq.

Kalaallit Nunaannimi Timersoqatigiit Kattuffiata Maligassiuisut-mik taallugu ukiumoortumik nersornaasiisarneranut atatillugu innersuussisoqarsinnaanngorpoq.

Kikkulluunniit timersornermi maligassiuisunik aqutsisunillu innersuussisinnaapput, ukioq mannalu nersornaaserneqartut tv-kkut toqqaannartumik aallakaatinneqartukkut novembarimi isiginnaarneqarsinnaassapput.

Sungiusaasut immikkuullarissuua? Timersoqatigiiffissinni aqutsisoqarpa sallersanngortuartumik? Timersortartumik nalunngisaqarpit nersortariaqavissumik?

Kalaallit Nunaanni Timersoqatigiit Kattuffiata Faxe Kondi Legatianut ukiumut pingasoriarluni toqqaaviusartumik innersuussinissaq periarfissinneqarpoq.

Innersuussinissamut ulloq kingulleq tassaavoq ukioq manna septembarip ulluisa aappaat, innersuussinerlu emailikkoorlugu nassiunneqarsinnaassaaq. Emaili nassiussiffigineqarsinnaasoq tassaavoq: gif@gif.gl

Toqqagaasut KNR-ikkut novembarip ulluisa 17-ianni toqqaannartumik aallakaatinneqartumi saqqummiunneqarumaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat