Timersornermi akissarsisut
Kalaallit Nunaanni Timersoqatigiit Kattuffiata Faxep immiorfiisa timersortartunut nersornaasiuttagai ukioq manna angutinut pingasunut agguaateqqammerpai aviisi Sermitsiaq suleqatigalugu siullermik Martin Møller Aasianni A.S.P-meersoq, maannakkorpiarlu Norgemiittoq. Ukiorpaalunngulersuni Martin Møller timersornikkut pitsaalluinnartunik angusaqartarpoq, minnerunngitsumillu ukioq manna Ilulissani GM-imi World Cupimilu inissilluarsimalluni.
Jan Storch, S-68, Sisimiut, timersoqatigiit siulersuisuini ukiuni 25-nngulersuni suleqataajuarsimavoq sulilu suleqataalluni, tamatumalu saniatigut arsaannermi sungiusaasutut sulisimalluni, taamalu siuttuulluartutut nersornaatisilluni.
Jakob Thomassen KSK, Kangaamiuni, sungiusaasutut ukiunik arleereerpoq meeqqanillu siuariartortunit nuannerineqaqaluni, illup iluani meeqqat 30-nit ikinnerunngitsut kisimi aallutariasarlugit, sisorartarfik aputeqarnerani piareersartuartarlugu qamussuaqanngikkaluartoq majuartaallu ajorsinikuusoq manngersaaneq isumagisarlugu, Timersoqatigiit Kattuffiat tusagassiuutinut nalunaarpoq.
