Tim Christensen Nuummukalerpoq

Qallunaaq rockimik nipilersortartoq tusaamasaq Akisuanerit Festivalimi peqataassaaq marloriarluni kulturikkut illorsuarmi Katuami tusarnaartitsissalluni.
Allattoq Noah Mølgaard
aggustip 08-at 2012 08:46

Akisuanerit Festivalimik aaqqissuisut septemberip naanerani Tim Christensenip Nuummut tikisinnissaa iluatsippaat.

Akisuanerit Festivalen nuusiorfiup Atlantic Musicip aamma nunatta kulturikkut illorsuata aaqqissuuppaat. Tim Christensen nalunaaquttap akunnerata aappaata affaani Katuap paarlersuani tusarnaartitsiniarpoq. Aammattaaq inersuarmi Hans Lyngep inersuanik taaneqartartumi tusarnaartitsiniarpoq.

- Assorsuaq Tim Christensenip nipilersoqataasalu Kalaallit Nunaannut tikinnissaat qilanaaraarput. Siullerpaamik Tim Christensen Kalaallit Nunaannukartussanngorpoq, Ejvind Elsner Atlantic Musicimiit nalunaarpoq.

Tim Christensen nipilersoqatigiit Dizzy Mizz Lizzy peqatigalugit 1993-mi tusaamasanngorpoq nipilersoqatigiillu taakku 1998-mi avissaarput. Maanna Tim Christensenip nipilersoqatigisarpai 'The Damn Crystals'.

Akisuanerit Festival Nuummi pissaaq septemberip 28-aniit 30-ta tungaanut. Qaqortumi Sisimiunilu aamma pissaaq septemberip 28-at 29-allu.

Tusarnaartitsinerni peqataasussat allat aqqi kingusinnerusukkut nalunaarutigineqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq