Tilluuttartut qaaqqusissummut qujaannarput
Kalaallit Nunaanni tilluuttartut klubbianni ilaasortat tilluunnermi piginnaasaat, Svendborgimi tilluuttartut klubbianni Rollomi ilaasortap ataatsip naligimmagit qaaqqusissut itigartinneqartoq, aviisi Fyens Stiftidende taamatut allaaserisaqarpoq.
Klubbitsinni tilluuttartut piginnaasaat angusaallu naligiittussaasut, Rollo-miit nalunaarput.
Kalaallit tilluuttartui ikittuinnarnik unammisimapput, Svendborgimilu tilluuttartut klubbianni Rollomi tilluuttartoq ataaseq kalaallit tilluuttartuinut naleqqersuunneqarsinnaammat taamaatumik itigartitsisariaqarsimavugut, Rollo mi sungiusaasoq Raymond Christensen oqarpoq.
Nuummi tilluuttartut klubbiata Fight Clup Nanoop qaaqqusissutaa Rollop tilluuttartut klubbiinut attavigisakkaminut allanut ingerlateqqissimavaa.