Tilluuttartoq Muhammed Ali ataqqinaammik inuttanngortippaat
Tilluuttartoq nunarsuarmi tusaamasaanerpaat ilaat Muhammed Ali, Irlandip kitaani illoqarfimmi, aataqqiimi 1800-kkunni Amerikamut nunasinngikkallarami illoqarfigisimasaani, ullumikkut ataqqinaammik innuttanngortinneqarpoq.
Allattoq Elisa Isaksen
septembarip 01-at 2009 12:56
Aataata Abe Gradyp Irlandimi illoqarfik Ennis qimallugu Amerikami nunap immikkoortuanut Kentuckymut nunassippoq. Tassani arnamut qernertormiumut katippoq, taakkualu ernertaaraat John Grady, taannalu Muhammed Alip aatagaa.
Irlandimiup Gradyp ernutaqqiutaa, manna tikillugu tilluuttartunit nunarsuatsinni tusaamasaanerpaanut ilaavoq.
- Torrassuaq. Isumaqarlunga illoqarfitsinnut atatillugu taama pisoqanngisaannassasoq, Ennis-ip borgmesteria Frankie Neylon oqarpoq.
- Qularutissaanngitsumik Ennisimit kingoqqisunit taanna tusaamasaanerpaavoq.
Illoqarfimmi persuarsiornartumik katersuuttoqarnerani, Amerikamiut erfalasuararpassuinik pinnersarneqarsimasumi, Neylonip tilluuttartoq 67-inik ukiulik ataqqinaammik innuttanngorneranut uppernarsaammik tunivaa.
