Tillittut ullumi eqqartuuunneqassapput
Imerfinnik nassuusanik kuultiusunik ukiaq tillittut ullumi eqqartuunneqassapput.
Allattoq Mads Lynge
Eqqartuussineq ullaaq aallartippoq inuillu pingsut eqqartuunneqarlutik. Angut 22-nik ukiulik nassuereersoq, anaanaa angullu 25-nik ukiulik misiarput.
22-nik ukiulik oqaluttuarpoq 25.000 koruuninik akiitsoqarami akiitsoqarfimmi tillinniaqqusimagaani. Imerfiit nassuusat kuultiusut arnap 46-nik ukiullip illuata qaliaani nassaarineqarput, arnarlu oqaluttuarpoq tillitanik qalianiittoqartoq paasigamiut ernerminut unitsiinnaqusimallugit nammineq politiinut tunniunniassagamigit, kisianni suli tunniutinngikkai politiit namminneq nassuusat kuultiusut nassaaraat.