Tillinniartut suli nassaarineqanngillat
Allattoq Najaaraq Egede
Illoqqortoormiuni politiit tillinniarnerit marluk sapaatip-akunnerini kingullerni marlunni kikkunnit piliarineqarnerat suli paasisaqarfiginngilaat.
Pilersuisup pisiniarfia, siullermik arfininngornermi marsip sisamaani nioqqutissanik 14.300 koruuninik nalilinnik tillinniarfiuvoq, tullianillu pingasunngormat 15-iani 23.600 koruuninik nalilinnik tinniarfiulluni.
Tillitat ilaatigut tassaasimapput assiliivik digitaliusoq aamma oqarasuaatit angallattakkat mobiilit arlallit.
Politiit kina imaluunniit kikkut tilliniartuusimanersut suli paasinngilaat, naatsorsuutigaalli pinerluttuliortoq ataasiinnaasimassanngitsoq.
Politiit ilanngullugu oqaatigaat pisiniarfik ajoraluartumik kalerrisaaruteqarsimanngitsoq.