Tillinniarnerit pillugit paasiniaarnermi politiit ikioqqusut

Qaqortumi illuni, inissiani sullivinni, toqqorsivinnilu tillinniarnerit piffissami kingullermi amerliartortut, Kujataani Politiit, Qaqortumilu Politeeqarfiup maluginiarpaat.

Tillinniarnerit tallimat ippassaq pingasunngornermi ullaap tungaani kalerriutigineqarput, fladskærmit, aallaasillu qoorortuut marluk cal.17 magnumit tillinneqarsimallutik. Sapaatip-akunnerata naanerani tillinniartoqarsimasoq nalunaarutigineqarpoq.

Qaqortumi Politiit innuttaasut tassunga atatillugu ikiortiseraat, tillinniarnerit paasiniarnissaannut atatillugu innuttaasut pasinarsinnaasunik takusaqarsimasut, tillinniarnerilluunniit pillugit paasissutissaateqartut Kujataani Politiinut, Qaqortumi Politeeqarfimmut attaveqarnissaat qinnuigineqarlutik.

Qaqortumi Politeeqarfiup normoraa 70 11 22.

Tillitanik pisineeq tigummiaqarnerluunniit immini pinerlunnerusut politiit mianersoqqussutigaat, inatsisitigut malersorneqaataasinnaanera eqqaasitsissutigalugu.
Illu inissialluunniit, sulliviilu assigisaallu qimatsinnagit paarnaartarnissaat igalaavisalu matuneqarnissaat aamma siunnersuutigineqarpoq.