Tillinniarnerit annikillisarniarneqalerput
Tillinniarnerit tillinniarfigitinnerillu Nuummi politiinut nalunaarutigineqartartut qaammammi kingullermi amerlisimapput.
Tillinniarnerit annikillisinniarlugit Nuummi politiit paasiniaasartunik pilersitsipput.
Tillinniartartut pinerluuteqartartullu politiinit ilisimaneqareersut Nuummi politiit paasiniaasartuisa sulinerminni annerusumik paasiniaavigissavaat.
Nuummi politiit tillinnianik paasiniaasartui ullup unnuallu ingerlanerani sulisassapput, annerusumik suliffeqarfiit tillinniarfigineqartartut nakkutigisassallugit.
Nuummi innuttaasut politiinit qinnuivigineqarput tillinniartunik pasitsaassaqarunik imaluunniit tillitaasinnaasunik tuniniaaffigineqarunik politiinut nalunaarutigeqqullugit.
Tillitanik pisigaanni nalunagulu tillitanik pisilluni taava pinerluttulerinermut inatsimmik unioqqutitsinerussasoq,, Nuummi politikommisæri Niels Nyvang oqarpoq.
