Tillinniaq suli ujaarineqarpoq

Takunnittut oqaluttuaraat, ualikkut sisamanut qiteqquttoq angut kalaallisut isikkulik isersimasoq, illuinnarsuummillu imaluunniit illuinnarsuummut eqqaanartumik tigumiaminik qunusaarisimalluni.

- Aningaaserivimmut iserami nerrivik tilloriarlugu aningaasanik tunineqarnissani piumasarisimavaa, arnalli karsimiittup akillugu oqarfigisimavaa, aningaaserivimmi aningaasaateqaratik.

Taamaariarmat tillinniaq anisimavoq qimaallunilu, angutillu sikkiliannik nutaanerusumik qaqortumik sikkilerluni Houip umiarsualiviata tungaanukartoq oqaatigineqarluni.

Aningaaserivimmut tillinniaraluartoq 30-t missaannik ukioqassangatinneqarpoq, 165 cm. miss. angissuseqarluni nerinnartuuvoq kalaallinillu kingoqqisuugunarluni. Aningaasanut puussarisimagunakkaminik pisiniarfiliummik ipertuumik nassataqarpoq.

Naak ilisarnarluartumik isikkoqaraluartoq angut taanna nanisassaanngilaq, taama oqarpoq Jyllandip avannaani politiivini pigaartuusoq, Poul Erik Sølgård radioviisimut.

- Saaffigineqanngilagut soorunalimi kisianni ujaasinerput ingerlatiinnassavarput, Jyllandip avannaani politiit taama oqarput.