Tillinniaq sianiitsoq

Angut 32-inik ukiulik Østrigemiu ukiup ingerlanerani bankimut tillinniatut sianiinnerpaatut oqaatigineqarpoq, taannalugooq marlunngormat ukiuni sisamani parnaarussassanngorlugu eqqartuuppaat.

Bankimut iseriarluni konto-mi imaa qanoq imaqartiginersoq apeqqutigisimavaa.

Kinguninngua bankimi karsimiittoq iggaviup savianik qunusaaleriataarsimavaa 14.000 euro-nillu qinulluni.

Bankimulli karsip nerriviusaanut kortini qimassimallugu.

Tassamigooq oorit tillitani taakku konto-minut imaqanngitsumut matussutigitinniarsimagaluarpai.

Kingorna kortini tillinneqarsimanerarlugu politiinut kalerriisimavoq.

Tamanna tusarlugu bankimi karsimi sulisup isini upperisimanngikkaluarpai, qarasaasiamininngaanniimmi takusinnaasimagamiuk korti taanna tillinniarnerup nalaani qimanneqarsimasuusoq.

Bankimi sulisup tillinniaq politiinut kalerriutigaa angullu taamaalillugu tigusarineqarpoq.

Angut 32-nik ukiulik eqqartuussaammat illersuisuata nassuerutigisimavaa angut sianiilliorsimasoq.

Qanoq taama sianiitsigisoqarsinnaava?