Tillinniaq imminut nalunaarutigaaq
juunip 13-at 2006 07:16
Angut japanimiunnguaq allakkerisarfiit ilaanni tillinniarsimagaluariarluni isummani sapilerlugu aningaasat tillitani utertikkusulersimavai, politiilli eqqarsaatisserujussuarsimavai, tillitaminimmi amerlanerit utertittoorsimavai.
Tillitani uterteriarlugit politiinut imminut nalunaarutigisimavoq. Angutip 33-nik ukiullip allakkerivimmi sulisut savimmik marsip qaammataani sioorasaarlugit 17.500 koruunit pissarsiarisimavai, maajilli naajartornerani imminut ima ajorilersimatigaaq, 18.000 koruunit allakkat puuannut ikeriarlugit allakkerivimmukaassimallugit.
Angut Japanimi tusagassiorfinnut nassuiaasimavoq aningaasassaaleqigami taamaasiortariqarsimalluni, iliuutsinili peqqissimissutigileriaramiuk utertiinnarsimallugit.
